Namazi - ilaç trupor e shpirtëror

Namazi - ilaç trupor e shpirtëror

Shkruar nga Fatmir S.Idrizi

Për namazin flitet shumë. Siç dihet, ai është obligim për besimtarët islamë. Por, a kemi menduar dhe pyetur ndonjëherë sa është rëndësia e namazit për organizmin tonë, duke e shikuar atë nga aspekti mjekësor, nga këndvështrimi shkencor, i cili namazin e paraqet si domosdoshmëri dhe nevojë për organizmin tonë, si nga aspekti shpirtëror, ashtu edhe nga aspekti i shëndetit trupor.
Falja e pesë kohëve të namazit është obligim i shkallës së parë dhe detyra e parë e obliguar për çdo musliman dhe muslimane. Dhe, siç e dimë, namazi paraqet besimin dhe bindjen e plotë ndaj All-llahut të Madhërishëm.
Gjatë namazit, falësi mesatarisht është i obliguar t’i bëjë afro 25 lëvizje të ndryshme, precize dhe sistematike. Në këtë drejtim, nga aspekti medicinal, ai i cili falet rregullisht, kryen 1.5 orë aktivisht lëvizje të sistemit lokomotor dhe boshtit kurrizor.